کوشش تو کیجیئے

کوشش تو کیجیئے ؟

.

اگر آپ نماز بلکل نہیں پڑھ پاتے تو کم از کم ایک وقت کی نماز کی پابندی کرلیجیئے 

اگر آپ پوری نمازیں نہیں پڑھ پاتے تو کم از کم فرائض و وتر کا اہتمام کرلیجیئے 

اگر نماز جماعت سے نہیں پڑھتے تو کم از کم ایک نماز تو مسجد میں جماعت سے ادا کیجیئے 

.

کوشش تو کیجیئے؟ 

سفر اگر ہزار میل کا بھی ہو تو شروع ایک قدم سے ہوتا ہے 

پھر آپ کا معاملہ اس رحمٰن سے ہے جو اعمال کا دارومدار نیتوں پر رکھتا ہے 

نیت تو کیجیئے .. 

کوشش تو کیجیئے رب کی جانب بڑھنے کی؟ 

کیا معلوم یہ نیت کب عمل میں ڈھل جائے؟

ورنہ نیک نیت پر ہی بخش دے تو کونسی حیرت؟ وہ معاف کرتا بھی ہے اور معاف کرنے کو پسند بھی کرتا ہے.

کیا آپ نے نہیں سنا کہ آپ ایک قدم اسکی جانب جاتے ہیں تو وہ دس قدم آپ کی طرف آتا ہے؟

اور آپ چل کے جاتے ہیں تو وہ دوڑ کر آپ کی ہدایت کا اہتمام کرتا ہے؟

نہیں جانتے کیا کہ رب نے اپنی رحمت کو اپنے غضب پر غالب کردیا ہے؟

مگر کوشش تو کیجیئے ؟

.

====عظیم نامہ====