روٹین

روٹین

زندگی روٹین میں ہو تو اکثر یکسانیت کا شکار ہوجاتی ہے اور پھر انسان شکایت کرنے لگتا ہے کہ یہ کیسی بورنگ زندگی ہے؟ حالانکہ زندگی کا نارمل روٹین میں رہنا ہی بہت بڑی نعمت ہے۔ گو دیگر نعمتوں کی طرح اس نعمت کی اہمیت کا اندازہ بھی اکثر اس کے کھو جانے پر ہوتا ہے۔ جب کوئی رشتہ ٹوٹ جائے یا کوئی عزیز دنیا چھوڑ جائے یا کوئی جان لیوا بیماری ہمیں جکڑ لے یا پھر اپنی جان سے پیاری اولاد معذور ہوجائے۔ تب احساس ہوتا ہے کہ وہ روٹین زندگی جسے ہم بورنگ کہہ کر منہ بسور رہے تھے، وہ اصل میں کتنی بڑی نعمت تھی؟ دانائی اسی میں ہے کہ ہم اپنی حاصل نارمل روٹین زندگی کی قدر کرتے ہوئے اسے مزید بہتر بنائیں اور رب کا اس بیش بہا نعمت پر مسلسل شکر ادا کرتے رہیں۔ الحمدللہ۔
۔
====عظیم نامہ====