شدید بخار اور بڑھاپا

شدید بخار اور بڑھاپا

شدید بخار میں جب جسم کا جوڑ جوڑ دکھ رہا ہو، مسلسل نقاہت بدن پر طاری ہو اور ذہن بھی ایک نامعلوم سی الجھن کا شکار ہو۔ ایسے میں نماز میں قیام کرنا اور تکلیف سے سجدہ ریز ہونا اپنے بڑھاپے کی یاد دلاتا ہے۔ اگر بڑھاپے تک جیئے تو کیا معلوم ہمارا کیا حشر ہوگا؟ جسم میں اتنی طاقت بھی ہوگی کہ قیام کرسکیں؟ سجدہ ریز ہوسکیں؟ شائد اسی لئے سرور کونین صلی اللہ علیہ وسلم نے ہمیں تلقین کی ہے کہ

۔

 "پانچ چیزوں سے پہلے پانچ چیزوں کو غنیمت شمار کرو۔ اپنی جوانی کو اپنے بڑھاپے سے پہلے، اپنی صحت کو اپنی بیماری سے پہلے، اپنی مالداری کو اپنی تنگدستی سے پہلے، اپنی فراغت کو اپنی مشغولیت سے پہلے اور اپنی زندگی کو اپنی موت سے پہلے ۔''

۔

 ====عظیم نامہ====