رمضان سے متعلق مشورہ

رمضان سے متعلق مشورہ

اگر آپ بھی میری طرح ان سوگوار افراد میں شامل ہیں جو یہ رنج محسوس کرتے ہیں کہ اس رخصت ہوتے ہوئے ماہ رمضان سے وہ کچھ ایسا خاطر خواہ نہ حاصل کرسکے جو بقیہ زندگی کے لئے خیر کا باعث بن سکے تو ایک قیمتی مشورہ پیش ہے۔ قبل اسکے کہ رمضان ہم سے رخصت ہو جلدازجلد کوئی چھوٹی سی سورہ یا اس کے مساوی کوئی بھی آسان سی تین آیات ترجمہ کیساتھ حفظ کرلیں۔ یہ حفظ کردہ آیات ان شاء اللہ نہ صرف روز آخرت اس بات کی گواہ ہونگی کہ ہم نے انہیں 2016 کے رمضان مبارک میں یاد کیا تھا بلکہ اپنی روزمرہ کی نمازوں میں ان کی تلاوت بھی اجر و خیر کا سبب بنے گی۔ ساتھ ہی ان کے ترجمے پر مسلسل غور ہمیں قران حکیم سے مزید نزدیک کردے گا۔ نمونے کے طور پر سورہ الفجر کی یہ آخری آیات درج کردیتا ہوں جو ہر مومن کے خواب کی تکمیل ہیں۔ 

۔

يَا أَيَّتُهَا النَّفْسُ الْمُطْمَئِنَّةُ ( 27 ) فجر - الآية 27

اے اطمینان پانے والے نفس!

۔

ارْجِعِي إِلَىٰ رَبِّكِ رَاضِيَةً مَّرْضِيَّةً ( 28 ) فجر - الآية 28

اپنے پروردگار کی طرف لوٹ چل۔ تو اس سے راضی وہ تجھ سے راضی

۔

فَادْخُلِي فِي عِبَادِي ( 29 ) فجر - الآية 29

تو میرے (ممتاز) بندوں میں شامل ہو جا

۔

وَادْخُلِي جَنَّتِي ( 30 ) فجر - الآية 30

اور میری بہشت میں داخل ہو جا

۔

====عظیم نامہ=====