کہیں آپ پھر سے ماموں تو نہیں بن رہے

کہیں آپ پھر سے ماموں تو نہیں بن رہے؟

.
وہ 'دانشور' جو سوشل میڈیا پر آپ کو یہ پٹی پڑھاتے تھے کہ عمران صرف فیس بک پر ہی وزیر اعظم تھا اور اب وہ بھی انکی بدولت پچھلے سال سے نہیں رہا.
.
وہ 'عالی دماغ' جو آپ کو یہ کہہ کر ہنساتے تھے کہ عمران میراثی ہے اور پورا پنڈ چوہدری بن سکتا ہے - میراثی نہیں بن سکتا.
.
وہ 'اسکالرز' جو شریف خاندان کے ہر سیاہ کو سفید اور عمران کے ہر سفید کو بھی سیاہ بناکر پیش کرتے رہے.
.
وہ 'تہذیب یافتہ' جو ایک جانب عمران کے حامیوں کی بداخلاقی کا رونا روتے تھے اور دوسری جانب اسے 'کوکین شاہ'، 'طالبان خان'، 'یہودی ایجنٹ' وغیرہ کے القاب دے کر اس پر تحقیر آمیز جملے کستے تھے.
.
وہ 'علامہ' جو پانامہ لیکس سے لے کر ڈان لیکس تک اور اقامہ سے لے کر اربوں کی جائیداد تک سیاستدانوں کی جسٹفکیشن دیتے رہے.
.
بتانا یہ تھا کہ وہ زبردست 'تجزیہ نگار' ابھی بھی آپ کی فرینڈ لسٹ میں براجمان ہو کر آپ کو اپنے 'ماہرانہ' تجزیئے دے رہے ہیں. کل تک دھاندھلی کی بات سن کر 'رو عمران رو' کے نعرے مارنے والے آج سینہ کوبی کرتے ہوئے آپ کو سمجھا رہے ہیں کہ دھاندھلی نہیں دھاندھلا ہوا ہے. وہ جو کل موبائل کیمرے کی ویڈیو تصاویر کو پیش کرنے پر ہنستے تھے اور کہتے تھے کہ عدالت میں جا کر ثابت کرو. آج ویسے ہی ویڈیو کلپس یا تصاویر پوسٹ کرکے رونا ڈالے ہوئے ہیں. انتہائی غلط تجزیئے دینے اور نہایت گمراہ کن پیشن گوئیاں پیش کرنے کے باوجود بھی آج وہ آپ کو اپنی سیاسی بصیرت کے گن گاتے نظر آئیں گے. اس کا ثبوت بھی وہ اپنی پچھلی ایک لاکھ سیاسی پوسٹوں میں سے کسی ایک دو پوسٹوں کو دوبارہ دیکھا کر دیں گے. گو ان ہزاروں غلط اندازوں کو دانستہ چھپا جائیں گے جنہیں آج پڑھ کر عامیانہ لفظ میں فقط 'بونگی' ہی کہا جاسکتا ہے.
.
اب یہ آپ قارئین کی دانست پر ہے کہ اب بھی ان کے عالمانہ تجزیوں پر واری واری جائیں یا پھر پڑھتے ہوئے اپنی یادداشت کو ہاتھ ماریں اور سوچیں کہ خوبصورت الفاظ کے جال بن کر اور تجربے و بردباری کی پوشاک پہن کر پھر سے ہمیں گول شکل کو تکون کرکے تو نہیں دکھایا جا رہا؟ کہیں آپ پھر سے ماموں تو نہیں بن رہے؟
.
====عظیم نامہ====