میرے اپنے تزکیہ کیلئے
١. نظر کی سب سے بڑھ کر حفاظت کی جائے، جہاں بے حیائی ہو وہاں جانے سے ہی مکمل پرہیز کریں، اگر جانے کے سوا چارہ نہ ہو تو نظر بچا کر وہاں سے گزر جائیں
٢. کم کھایا جائے. ہمیشہ بھوک چھوڑ کر کھایا جائے.
٣. ہفتہ میں کم از کم ایک دن نفلی روزہ رکھا جائے.
٤. قدرتی اور موسم کے پھل و سبزیاں استمعال کی جایئں. غیرفطری اشیاء جیسے چاکلیٹ، انرجی ڈرنکس وغیرہ سے اجتناب کریں
٥. گوشت کا استمعال کم کیا جائے، یہ حیوانی نفس کو فربہ کرتا ہے.
٦. جسمانی پاکی کا بہت خیال رکھا جائے. کم از کم ایک بار روز نہانا، غیر ضروری بالوں کی صفائی رکھنا، ناخن نہ بڑھنے دینا، سر اور داڑھی کے بالوں کو سلیقے سے رکھنا وغیرہ
٧. باوضو سونا ہے، کپڑے صاف رہیں
٩. دینی معاملات میں کم سے کم بولا جائے اور بات کو مختصر رکھا جائے. زیادہ سننے کی عادت ڈالیں اور ہر بات سے سبق حاصل کریں. ہر طرح کی بحث سے پرہیز کریں، یہ روح کو آلودہ کرتی ہے.
١٠. اگر گناہ سرزد ہو جائے تو فوری طور پر کوئی نیک عمل کیا جائے جیسے دو رکعت نماز یا صدقہ اور پھر توبہ کی جائے
١١. نماز وقت ہوتے ہی فوری طور پر پڑھی جائے، دیر نہ کی جائے
١٢. تہجد کا اہتمام ہو
١٣. روز ایک صفحہ کم از کم قران پر تدبر کے لئے اختیار کیا جائے
١٤. اپنے نفس پر اور کائنات پر مسلسل غور و فکر کیا جائے ، مخلوق سے خالق کا عرفان حاصل کریں تاکہ ایک زندہ تعلق وجود میں آئے
١٥. کم سے کم ایک نماز مسجد میں ضرور ادا کی جائے
١٦. کم سے کم ہفتہ میں ایک بار کسی ایسی دینی محفل میں جایئں جہاں بولنا نہ ہو صرف سننا ہو
١٧. اپنی نیکی یا کسی بھی اچھی بات پر پردہ ڈالیں تاکہ نہ کوئی تعریف کرے نہ ریاکاری کا اندیشہ لاحق ہو
١٨. کسی ایک نماز کے بعد جائے نماز پر کچھ دیر آنکھیں بند کرکے مراقبہ کریں جس میں صرف الله سے تعلق کا احساس ہو
====عظیم نامہ====
No comments:
Post a Comment